Shillong, Nailur 6 : U Myntri ka tnad pule puthi u Rakkam A Sangma u la ong ba un ym kyrshan da lei lei ruh ïa ka jingthmu ka sorkar pdeng ban pynkylla kyrteng ïa ka India kum ka Bharat.
“ Nga hi ïalade ngan ym kyrshan da lei lei ruh namar nga sngew ba ka kyrteng India ka dei ban ïai bteng nad ïaïneh junom” ong u Rakkam.
U la kyntu ba ym dei ban pyndonkam bakla ïa ka kyrteng India tang na ka bynta ka jingmyntoi saiñ pyrthei. Ki liang pyrshah ruh ki la ai kyrteng ïa ka kynhun jongki kum ka INDIA. Kim ju pule lut ïa ka senten hynrei ki ïakren beit tang kata ka INDIA bad kumta ïa kane ka kyrteng la pynkylla pynban sa ka kam saiñpyrthei kaba ha u hi um sngewdei.
