Nongpoh, Ïaïong, 25: U Sr. Superintendent of Police, ka Ri Bhoi District u la pyntip ba u don uwei u rangbah bala antad ba u dei na ka jaitbynriew Garo u la thiah khlem tip briew haka step jong ka 21 tarik Ïaiong, ha ïew Umtyrnga ha Ri-Bhoi District, ha kaba la rah noh ïa u mar mar sha Byrnihat CHC ban ïoh ka jingsumar bad hadien la pynkynriah noh sha Nongpoh Civil Hospital bad khlad noh haka 23 tarik Ïaiong.
Haduh mynta ym pat lah ban tip ïa kiba haïing hasem namar ba um lah ban kren. Ïa ka metïap jong u la phah leh Post Mortem bad ynda la pyndep ïa ki jingdonkam baroh, la buh ïa u ha jaka buh met ïap ha Nongpoh Civil Hospital.
Ki Pulit ki la pyntip ba ym shym la lah ban lap ïa kiba ha iing ha sem jong utei u briew wat la la pyrshang ban wad, kumta la kyntu ïa kino kino kiba don jingtip shaphang jong u bad kiba haïing hasem jong u ki lah ban leit mih sha Police Station ba hajan eh.
