Shillong, Lber: Ka Seng Khasi Weilyngkut ‘A’ kan pynlong ïa ka Shad Suk Mynsiem ha ka 31 tarik Lber, 01 bad 02 tarik Iaiong 2023 ha Lympung Shad ha Madan Seng Khasi Weilyngkut ‘A’ kumba ju long.
Kane ka shad ka kmen ka long ka jingkynmaw bad jingainguh U khun Khasi Khara shisien shi snem ïa U Blei U Trai Kynrad U Nongbuh U Nongthaw na jrong na tbian ban neh la ka hok la ka riti.
Kumta na ka liang ka Seng ha u kyrwoh lyngba u President bad Secretary ka kyrpad bad khmih lynti ïa ki para khun ka ri ba kin ïa poi lang sha kane ka shad ka kmen bad ban ïamih nongshad kynthei bad shynrang bad la ka riam ka beit pura ban phuh ban phieng la ka kam ban sah pyrto don burom la ka ri.
