Shillong, Lber, 16: Ka MSSASA Mawsynram Block Unit lyngba u kyrwoh ba la phah da u President Babu P. Kynter bad u General Secretary Babu T Langpen la pyntip ba kan don ka General Meeting ha ka 22 tarik mynta u bnai ha Rev JJ M Nichols Roy UP School (SSA) ha ka por 11L00 baje mynstep.
Lyngba une u kyrwoh la bad pyntip sha baroh ki nonghikai skul SSA jong ka Mawsynram Block Unit ba kin sngewbha ban ïa pyllait por khnang khnang ban ïa wan ryntih ha kane ka jingïalang na ka bynta ban ïakren ïa ki kam kiba bun jong ki nonghikai SSA. Ha kane ka jingïalang kin don lang ruh ki nongïalam jong ka district.
