Shillong, Lber 16: Ka khubor ba la ïoh na ki pulit la ïathuh ba u Hitherson A Sangma u la ujor sha ki pulit bad ha u bnai Kyllalyngkot bad Rymphang 2025, ki briew jong ka Bank ki la wan ban ïa kynduh ïa u ha ïing halor ka jingbym siew ïa ka ram bai kali kaba dei T.15,955/- tyngka.
La ong ba na ka liang jong u Hitherson u la kyndit ïa kane ka jingwan jong ki briew na bank bad haba la ïakren la sngewthuh ba ha u 19/09/2023 kawei ka kynthei kaba la tip kum ka Suchorita R Marak ka la soi tuh ïa ka jingsoi jong u ha kaba ïadei bad kane ka kam.
Ha ka jingujor sha ki pulit u la ong ba ka la soi tuh ïa ka jingsoi jong u khlem ka jingmynjur jong u ban long u nongïashim ram lang ban long u nongbah jamin ban ïoh ram na HDFC Bank Tura ban thied ïa ka kali Bolero Pic-Up ha kaba ïadei bad kane ka jingjia.
