Shillong, Naiwieng, 07: Ka Don Bosco Technical School, Shillong kan sa rakhe ïa ka jingdap 100 snem ha ka 10 tarik bad 11 tarik mynta u bnai bad ha kaba ïadei bad kane, ka Association of the Past Pupils of Don Bosco, Shillong Unit ka khot bad wer sngewbha ïa baroh ki khynnah skul barim jong ka Don Bosco Technical School ha ka 10 tarik, Naiwieng, 2023 ha ka por 5:00 baje janmiet ban ïashim bynta ha ki prokram bapher bapher.
Hashwa kane, yn pynlong ruh ïa ka Mass ainguh ha ka por 3:30 baje noh phai sngi ban sa pynmynta da u Rector barim jong ka Don Bosco Technical School u Archbishop Emeritus Thomas Menamparambil ryngkat ka jingsakhi lang jong kiwei pat ki Bishop bad ki Lyngdoh Sohblei.
