Nongstoiñ, Nailar 8: ‘Ka jingweng noh jong ka sorkar ?a ki nonghikai kontrak kiba hikai ha ki Government L.P.Skul, ka la long ka jingduh kaba khraw ym tang ?a ki. Hynrei ka jingduh kaba kham khraw ka long ?a ki khynnah skul, ki bym tip ei ei ?a ka sdang ka kut bad kiba ñiew ba ki nonghikai, kim don jing?apher na ki kmie ki kpa jong ki’, ong u babu Birbor Riangtem u ba hikai ha Langdongdai Government L.P. skul.
Kum ban pynkynmaw ba u bah Birbor u dei u nong?alam ba hakhmat jong ka synjuk ki nonghikai kontrak, kiba pynlong ?a ka jing?akhih pyrshah ban dawa na ka sorkar dang shen, hynrei kiba la wan phet thylli noh namar ba ka sorkar bad u Myntri Rangbah, ki la kren shai ba kim lah satia ban ?arap ha kaban thung biang ?a ki ha ka kam hikai.
U bah Riangtem haba pyntip ha u nongthoh khubor, u la ong ruh ba hadien ba ka sorkar ka la dep weng kam, pynban haba u la wan phai sha shnong, ki riew rangbah jong ka shnong baroh kawei bad ki kmie ki kpa jong ki khynnah skul, ki la kyrpad ?a u ba un bteng ban leit sha skul, namar ki satang katto katne bnai ki khynnah ki la hap ban ?aleh exam. Kumta lada un sangeh noh ka jingduh jong ki khhynnah skul ka long kaba khraw.
U bah Riangtem u la ong ruh ba katei ka jingkyrpad jong ki rangbah shnong bad ki kmie ki kpa jong ki khynnah ka la ktah bha ?a u. Kumta um banse ban leit ?arap ban hikai biang ha katei ka skul. Nalorkata u la ong ruh ba ka jingleit jong u ban ?arap biang ban hikai, ka dei namar ba u isynei palat ?a ki khynnah.
U la ong ba ki don shibun kiwei pat ki skul kiba don ka mar haduh lai ngut ki nonghikai katkum ka enrollment jong ka jingdon ki khynnah. Hynrei hadien ba la weng kam ?a ki nonghikai kontrak, kitei ki skul ki don satang iwei I nonghikai haduh ba ki shem shitom ban hikai.
U la ong ruh ba ka jingweng kam jong ka sorkar ?a ki nonghikai, kam don jing?apher ei ei ruh na ka jingpyn?ap dusmon jong kito ki kynthei kiba bret ?a ki khunlung ba dang kha, namar ?a ki la thung da ka sorkar hynrei mynta la pynduh kam da ka sorkar.