Nongpoh, Ïaïong 30: Ha kaba ïadei bad ka jingjia kaba la jia ha Ri-Bhoi District ha ka 27 tarik Ïaïong 2026, ha kaba uwei u khynnah skul u la ioh ban pynlait im ïa I wei i khyllung ba dang shu kha bad ba la saphriang paidbah ruh ha ki rynsan social media, u Superintendent of Police ka Ri-Bhoi District, u Giri Prasad, u la kyrpad ïaki paidbah ban kiar ban pynsaphriang, ïa kino kino ki video ne ki dur kiba ïadei bad katei ka jingjia namar ka long pyrshah ïa ka aiñ.
Ki paidbah kiba pynkheiñ ïaka aiñ ki lah ban shah pynshitom hapoh ki kyndon jong ka Juvenile Justice (Care and Protection of Children) Act, 2015, kaba ai jingïada ïa ka hok jong ki khynnah
Halor kane la kyrpad ïa ki paidbah ban ym pynsaphriang ïa kino kino ki video ne dur haki rynsan social media bad ban ai ka jingïada bad ka hok jong i khyllung.
Ha kane ka jingïadei, la register ïa ka mukotduma ha Nongpoh Women Police Station (C/No. 22(04)2026), bad ka jingtohkit ka dang ïaid shakhmat.
Ki pulit ka Ri-Bhoi kila pynpaw ruh ïa ka jingsngewnguh bad jingïaroh ïa ki khynnah skul bad ki paidbah kiba la ai jingïarap ban pynlait im ïa utei u khyllung.
