Wan pyndem u samla ba donkti leh be-i-jot bad jrong kti ïa bun ngut ki samla kynthei

Shillong Naitung 17: Ki pulit hynnin ka sngi Palei ki la kem noh ïa u Jonathan L Pachau hadien ba la wan ban pyndem hi da lade hakhmat ki pulit ka Laitumkhrah Police Station halor ka jingkynnoh ba u donkti ban leh be-u-jot bad jrongkti ïa kiba bun ngut ki samla kynthei.
U Superintendent of Police ka East Khasi Hills u Bah Vivek Syiem ula pyntip ba u Jonathan L Pachau 21 snem ka rta u dei uba ka donkti ha ka Laitumkhrah PS Case No. 100/2026 u/s 3/4/11/12 POCSO Act bad Laitumkhrah PS C No. 94/2026 U/s 64(1) BNS bad hynnin ka sngi ula wan ban aiti noh ïalade hakhmat jong u Officer in Charge ka Laitumkhrah PS.
U SP ula ong, ba la kem noh mardor ïa u bad yn sa rah tian bishar ïa u sha ïing Bishar.
Lah ban ong, ba ka jingwan aiti une u samla ka dei hadien ba ki pulit ka Meghalaya ki la pynmih ia ka Look Out Notice ha ka ri baroh kawei shaphang ka jingphet rieh une u samla uba la shah kynnoh ba ula leh be-ijot bad leh kynshleiñ ïa bun ngut ki khynnah kynthei bad kane ka khubor ka dei kaba la paw pyrthei lyngba ka jingpynsaphriang ka jingkynnoh ha ka rynsan Social Media.
Ki pulit kila shim khia ïa kane ka jingjia bad ki la don ruh ar ngut ki khynnah kynthei kiba la wan shakhmat ban ujor da ka ejahar pyrshah ïa u Jonathan L Pachau.