Ïatreilang ki kmie ki kpa ban wanrah ïa ka jingjop jong ki skul ha kiba bun ki liang

Shillong. Naitung 17: Ha ka jingshim ïa u mawjam ba kongsan ha ka ban pynkshem ïa ka pule puthi ha ki skul, la don ka jingïalang ki kmie ki kpa ha kylleng ka South West Garo Hills ha ka sngi balang kum shi jong ka jingthmu ha ka jylla baroh kawei, ha kaba ki kmie ki kpa bad ki nonghikai ki la ïasnoh kti lang ban wanrah ïa ka jingïatreilang na ka bynta ka jingjop ka skul bad jingiar ka pule puthi jong ki khynnah skul.
Ka distrik kala ïohi ïa ka jingïatreilang ba shit rhem na ka liang ki kmie ki kpa, nonghikai bad ki bor ba dep peit ïa ka skul, ha kaba kala don ka jingkut jingmut ban pynbha ïa ki jingmih na ka jingpule lyngba ka jingïakren bad jingïatylli man ka por.
Kane ka long ban pynïapher ïa ka jingmut hapdeng ka skul bad ha ïing, da kaba pynthikna ba ki khynnah ki dei ban ioh jingmynsiem bad jingkyrshan ban long kiba tbit haba ki don ha ïing skul bad shabar ka ïing skul.
Ki skul kynthup ïa ka Ballonggre SSA UPS, Jholgaon SSA UPS, Wakkagre Kamagre SSA UPS, Dalbotpara A·pal SSA LPS, Jigatalpara SSA LP School bad Indikgre SSA UP School bad kiwei kiwei ki jaka pule ha kylleng katei ka distrik, kila dep pynlong ïa kine ki jingïalang.
Ha kane ka jingïalang, la ong ba ki nonghikai kila ïakren shaphang ka jinglehbha jong ki khynnah skul, ka jingpep bad wan skul jong ki, ka akor bad nadong shadong ki kam jong ki bad ki kmie ki kpa, katba la pynshlur ruh ïa ki ba kin iashim bynta kongsan ha ka pule puthi ki khynnah skul.
Ki kmie ki kpa ruh kila ai ka jingmut kaba kordor bad iasyllok pyrkhat bad ki nonghikai halor ka rukom pynlong ka jaka pule kaba paka bad shongkun khnang ba ki khun kin nang ban pyrkhat bad pule bha.
Ka jinglah ban pynlong ïa ki jingïalang kiba la dep hapdeng ki kmie ki kpa bad ki nonghikai ha baroh ka district ka pyni shai ïa ka jingtrei tyngeh jong ka tnad pule puthi ban pynkhlaiñ ïa ka jingïatylli hapdeng ka skul bad ka imlang sahlang, bad ban pynthikna ba u ne ka khynnah baroh u ne ka ïoh ïa ka jinghikai ba bha da ka jingïasnohkti lang ki kmie ki kpa, ki nonghikai, bad ki skul.