Shillong, Naiwieng 27: Ka Mawlai ka la wanphai biang sha ka kyrdan ba hakhlieh duh ha ka miej kheiñ poiñ jong ka OC Blue Shillong Premier League 2024 hadien ba jop ïa ka jingïalehkai jong ka katba ka Shillong Lajong FC ka la mad ïa ka namrem ha ka jingïalehkai kaba la long hynnin ka Sngi Balang.
Kane ka la jia hadien ba ka Nangkiew Irat SC ka la pynkyndit da kaba pynliem 2-1 kol ïa ka Shillong Lajong FC (kaba bat kyrdan ba nyngkong shuwa kane ka jingïalehkai) hynne ka sngi Balang ha SSA Stadium, Polo. Ka namrem ïa ka Lajong bad ka namjop ïa ka Mawlai SC kaba la pynliem 3-0 kol ïa ka Nongrim Hills SC ka la pynlong ïa kane ka lahduh ba ïada ïa ka burom ban knieh ïa ka kyrdan ba nyngkong na ka SLFC.
Ha kawei pat ka liang, ka Rangdajied United FC ka la pynjemkhnap ïa ka Laitkor SC da 3-0 ha ka jingïalehkai kaba ar ban jam sha ka kyrdan ba lai ha ka miej.
Neck-and-neck up to this point, ka Mawlai (13) ka la tam 3 poiñ hakhmat ïa ka Lajong (10), katba ka RUFC ka la kamai mynta 9 poiñ katba ka kynhun ka dang ïakhun shitom ban wanphai biang ha ka jingïakhun knieh namlahduh.
Haba phai sha ka jingïalehkai kaba nyngkong, ka jingbymlah ban tehlakam thikna u rangapkol ka Lajong, u Siwel Rymbai, ïa ka bol pashat dien na u paralok (back pass) ka la plielad ïa ka Nangkiew Irat, kaba la rem lai sien na ki saw tylli ki jingïalehkai ba sdang, ba kan lamkhmat ïa ka jingïakhun lyngba u Damehun Syih (12’min).
U Deibormame Tongper (31’ min) u la pynkhih ïa ka kol pynïakhaid da kaba pyndei tiak da ka khlieh ïa ka bol ba la pashat da u Kynsaibor Lhuid, kaba la pynlong ïa kine ki arliang mamla ban jam sha kaba kut jong ka kylla step da mar 1-1 kol.
Ka jingïakhaid kan jin da la long ka resol kaba bha na ka bynta ka Nangkiew Irat bad la i kumba kane ka kynhun ka la hun ban ïasam point, katba ka Lajong pat ka la nang sngewdiaw. Haba u Wanlamsuk Nongkhlaw- rangïalehkai ba kongsan jong ka kynhun, um shym la lah ban ïalehkai namar ka jingshah sospon, ka Nangkiew Irat ka la donkam ïa uwei pat u ban tur shakhmat bad u Jefferson Pakyntein u la leh ïa kaba donkam da kaba thep ïa ka kol ha ka minit kaba 88 ban pynthikna ïa ka namjop sha ka kynhun.
Ha ka jingïakhun kaba bud, ki ar kol na u Owanijuh Pajuh (48’, 56’) bad ka penalty na u Manbhakupar Iawphniaw (63’P) ka la pynthikna ïa ka Rangdajied ban khur ïa ki lai poiñ bad ka jingjop kaba lai sien lynter.
Haba phai pat sha ka jingïakhun ba khadduh ha ka janmiet, ka Nongrim Hills ka la lah ban ïalehkai bha hynrei ka dang ïai bteng pat ban duna ha ka ban pynurlong ïa ki kabu ksiar ba ka la ïoh. Ka Mawlai kam shym la ïohlad ban pynkhihjar ha ka kylla step hynrei ka la ïoh ban thep lai tylli ki kol ha ka kylla kaba ar lyngba u Kevin Rymbai (55′), u Dibinroy Nongspung (82′) bad u Overkindness L Mawnai (88′). U Donlad Diengdoh u la ïarap pashat (assist) ïa ar tylli ki bol pynkhihjar ha kane ka jingïalehkai, kawei ïa u Kevin bad ruh na bynta u Dibinroy.
Ha kane ka sngi Palei kan don tang kawei ka jingïalehkai, hapdeng ka Ryntih FC bad ka Sawmer SC ha ka por 5 shiteng janmiet.
