Wan ïashimbynta palat 500 ngut ki nongïalehkai ha ka ASMITA Wushu League

By Mawphor News Desk On Aug 10, 2024

filter: 0; fileterIntensity: 0.0; filterMask: 0; captureOrientation: 0; brp_mask:0; brp_del_th:null; brp_del_sen:null; delta:null; module: video;hw-remosaic: false;touch: (-1.0, -1.0);sceneMode: 0;cct_value: 0;AI_Scene: (-1, -1);aec_lux: 0.0;aec_lux_index: 0;albedo: ;confidence: ;motionLevel: -1;weatherinfo: null;temperature: 46;

SHILLONG, Nailar 09: Ka lympung ïalehkai wushu kaba la tip da ka ‘ASMITA Wushu League’ jong ka East Zone ka la sdang ha nongbah ha ka Sngi Thohdieng (09 tarik u Nailar, 2024) ba la pynlong hapoh Indoor Stadium jong ka NEIGRIHMS.
Ha kane ka sngi la wan plie pyrda ïa ka lympung da u Dr. B.D.R Tiwari-Joint Secretary jong ka Sorkar Jylla ha kaba la ïadon ryngkatlang u Brigadier Neelesh Anand Pagulwar SC, SM, VSM Commandant ka Assam Regimental Centre kum u symbud kongsan, nangta u Director ka NEIGHRIMS u Nalin Mehta, u Suhiel Ahmed – CEO ka Wushu Association of India, kumjuh u President jong ka Meghalaya Wushu Association u Bah Donny Rapheal Ranee lem bad kiwei kiwei.
Mynta ka kynti, kane ka ASMITA Wushu League’ jong ka East Zone ka ban neh saw sngi kynthih la sakhi ïa ka jingwan ïashimbynta haduh kumba 550 ngut ki nongïalehkai Wushu kiba ïakhun ha ki kyrdan bapher bapher, naduh ka Sub-Junior, Junior bad Senior. La wan ïashimbynta ruh katto katne ki jylla ka thaiñ shatei lammihngi ba kynthup ïa ka West Bengal bad ka Bihar.
Na ka liang jong ka Meghalaya Wushu Association ka la sei haduh 80 ngut ki khynnah ïalehkai ki ban ïashim bynta ha kane ka lympung.
Lah ban kdew ba ïa kane ka lympung la pynlong da ka Meghalaya Wushu Association ha ryngkat ka jingïasnoh ktilang bad ka tnat ïalehkai jong ka Sorkar Pdeng lyngba ka Sports Authority of India (SAI).