Jowai, Nohprah 04: Mynta ka sngi 5 tarik u Nohprah da ki spah ngut ki khynnah ba wan shim bynta ha ka trials ba la pynlong da ka East Jaiñtia Hills District Football Association (EJHDFA) ïa kaba la pynlong ha EJDSA Artificial Ground Diengshynrum na ka bynta ban jied ïa ki khynnah ïalehkai U-17 Boys ban mihkhmat ïa ka District sha ka 6th Meghalaya Games 2025 kaba yn long ha West Jaiñtia Hills District ha u bnai Kyllalyngkot.
ïa kane ka Trials la pynïaid da ki saw ngut ki Coaches ba napoh District East Jaiñtia hi kumba la pynshet ïa kane ba bynta. Ha kajuh ka por ka EJHDFA ka ai khublei bad kitbok kitrwiang ïa kitei ki khynnah ba wan shim bynta bad ki ban mihkhmat ïa ka District. Kane ka lang katkum ka kyrwoh khubor ba phah da u General Secretary ka EJHDFA ma James Sutnga.
