Shillong, Nohprah 21: Sa shi sien pat u Apandanka Marak u la khur haduh 5-wicket ka sien kaba lai ïa u mynta ka samoi – ha kaba ka kynhunn kaba ïalehkai ha ka U-16 boys Vijay Merchant Trophy ka la bteng mynta ka sngi pyrshah ïa ka Manipur.
Ha ka sngi ïakhun ba nyngkong ha Cuttack, ka Manipur ka la tied 233 ron hap 9 wicket, lamkhmat da 154 ron hadien ba ka Meghalaya ka la shah pynkhyllem da tang 79 ron ha ka inning ba nyngkong.
U Apandanka u la ïoh ban khur 5 wicket, bad khylliap ïa ka sngi da 5/43. Dei ma u, u ba la pynhap ïa u top scorer jong ka kynhun Manipur, Rain, u ba la tied 94 ron.
Kiwei napdeng ki nongkawangbol kiba seisoh ha kane ka jingïakhun ki kynthup ïa u Manthan Gupta (2/50), Gaurav Narleng (1/22) bad u Gaurav Jyoti Thakuria (1/64).
Shuwa kane, ka Meghalaya ka la jop ïa ka jingkynting (toss) bad jied ban tied nyngkong hynrei ka la ïakynduh jingeh.
U Narleng’ u la lah ban ïarap 39 ron naki 43bol bad u la ai mynsiem ïa ka Meghalaya hadien ba la hap 11/2 hynrei ka Manipur ka la ïai bteng ban pynhap ïa ki wicket u wei hadien u wei.
Kiwei pat ki player ka Meghalaya kiba la ïohlad ban kynjoh sha ka phew ron ki long u Benedict Jones Makdoh, u ba la tied 12 ron.
