Shillong, Naiwieng 24: Ka khubor ba la ïoh na ki pulit la ïathuh ba u Bah William L Mawlong u la phah ka jingujor ba ha ka 17 tarik mynta u bnai, uwei u briew uba la ithuh da ka kyrteng Kitborlang Marbañiang (delivery agent) la kynnoh ba u la tuh ka pisa T. 43,970/- da kaba ïathuh ba u la leh ïa kane ka kam da kaba lum ïa ka pisa na customer (s) ba na ka Pynthorbah Block-I, Shillong bad u la phet krad.
Ha kawei pat ka jingjia ki pulit ki la ïathuh ba u Legish R Sangma u la phah ka jingujor ba ha ka step jong ka 17 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05AB-6454 kaba la pynïeng hapoh ka ïing jong u kaba ha ka shnong Dangar (EKH).
