Jowai, Naiwieng, 24: Ka War Jaiñtia Students Union (WJSU) ha kane ka 22 tarik u Naiwieng kala leit hiar sha ka shnong Satpator West Jaiñtia Hills hapoh ka jingïalam u Vice President bah S.Syngkor bad u General Secretary bah Everest R Langstang da kaba pynlong ïa ka jingïalang bad ki samla jong ki 5 tylli ki shnong ba kynthup ïa ka Amtra, Amsohrhong, Amlanai, Satpator bad Trangblang.
Ha ka jingïalang ki nongïalam ka seng ki la ïoh ban pynskhem ïa ka WJSU Satpator Sub Circle ha ka shnong Satpator. Kine ki nongkit kam ka seng hapoh ka jylli treikam Satpator Sub Circle ki kynthup ïa u President Mr. Yomiki Syrti, Vice President Mr. Waimon Swer, General Secretary Mr. Heart cassing Dkhar, Joint Secretary Mr. Pormi Patwat, Finance Secretary Mr. Strongpilar Dkhar, Joint Finance Secretary Mr. Waiphang Pasyad, Education Secretary Mr. Syemner Amse, Joint Education Secretary Mr. Phulison Amse, Organising Secretary Mr. Princely Langshiang, Publicity Secretary Mr. Saman Shylla, Sport Secreatary Mr. Recomfort Pasyad, Enviroment Secretary Mr. Bannangsan Dkhar, lem bad ki 7 ngut ki Dkhot Members. Ïa ki nongkitkam ka Satpator Sub Circle la pynskhem da u General Secretary ka seng u samla Everest Langstang.
Ha Kane ka jingïalang pynskhem ïa katei ka Sub Circle ka seng la ïoh ïa ka jingkren na u Vice President rangbah ka seng u S. Syngkor u samla Syngkor haka jingkren u kyntu kynpham ïa ki samla kine ki shnong kiba dang shu pynïasoh bad ka seng kin long kiba adkar bad ba don Burom bad ban shakri hok ïa ka seng ban myntoi uba bun ba lang ha kane ka dong bad ïa ka thaiñ hi baroh kawei.
Haba ai jingkren sha ki dkhot ba thymmai ka seng, u samla Everest Langstang ula pynshai ki nongrim ka seng ban shakri ïa ka thaiñ ha baroh ki liang, ban thaw ki lad ki lynti ban kyntiew ïa ka pule puthi ba dei u budlum ka roi ka par ïa ki briew ka thaiñ. U la pynshai ïa kine ki samla ba na ka liang ka sorkar ka dang ïaid shakhmat ban den noh ïa ka Leshka Hydel Power Project ha kane ka dong.
Na ka Liang u General Secretary u batai ba ka WJSU Satpator Sub Circle ryngkat bad ka WJSU Central Body kin wad ki lad ki lynti ban pynbor ïa ki bor sorkar ban pynsted ban den ïa katei ka hydro project khnang ba ki briew kane ka dong kin ïoh kam ïoh jam bad ka sorkar kan pahuh bording ha ki snem ki ban wan. U General Secretary ula iathuh ba na ka bynta ka jingmyntoi kane ka dong ka seng kala ai dorkhas ban plie ïa ka transit point ka Dawki Land Customs Station ha Muktapur ban ïoh shalan ïa u mawshun na ka Syndai Trangblang Limestone belt sha Bangladesh ban heh ka kamai kajih ki pait ka thaiñ.
Na ka Liang u samla Yomiki Syrti President Satpator Sub Circle ula khubur ba khlem ka kynhun kum ki samla ngim lah ban shakri ïa ka dong bd ka thaiñ bad hapoh ka WJSU ki kloi ban trei shitrhem ban shakri ïa ka dong bd ka thaiñ ban myntoi u luk u lak ka thaiñ.
Katba u General Secretary ka WJSU Satpator Sub Circle samla Heart casing Dkhar ha ka jingkren pynwai ïa ka meeting la kren ban trei met bad mynsiem ban pynurlong ïa kiei ki kam kiba ka seng ka thmu ban pyndep. Pynkut ka kyrwon na u samla Jai Pohshna, Publicity Secretary WJSU Central Body, Amlarem.
