U Bah George B Lyngdoh u dei u briew ba don ka sap nongïalam, hynrei ki paidbah kim burom ïa u

Da u Bah Albert Maring
Umdap Dumu, Ri-Bhoi District

U Bah George B Lyngdoh u dei shisha u briew u ba don ka sap bad ka dor kum u nongïalam u ba lah ban ïalam ïaki paidbah ka Umroi Constutiency bad ka jylla hi baroh kawei.

Ki paidbah ka Ri Khasi Jaintia bad ka jylla hi baroh kawei ki sakhi ïaka jinglong nongïalam jong u Bah George B Lyngdoh haka por ba u long kum u nongmihkhmat ne MLA ka Umroi Constituency, u dei u nongkren bad u nongïasaid dorbar u bat bit u ba la lah rah ïaki mat ki jura ha iing Dorbar thawaiñ ka jylla haka por ba u long kum u MLA naka bynta ka jingbit jingbiang jong ki paidbah ka Umroi Constituency bad wat ka jylla hi baroh kawei.

            Ki paidbah sawdong ka Ri Khasi bad Jaintia ki angnud ba u Bah George B Lyngdoh un wanphai biang sa shisien kum u nongmihkhmat bad u nongïalam, ka jingdon u bah George haka kam saiñ hima sima, ka long ka burom bad ka jingsngew sarong ïaka jaitbynriew, ïaka dong ka thaiñ ka them Ri-Bhoi bad haka jylla hi baroh kawei.

            Hynrei ki paidbah jong ka Umroi Constituency kim shym la burom ïa ka dor nongïalam jong u Bah George, ha kaba kim shym la jied shuh ïa u ha kane ka elekshon MDC 2025 sha ka iing dorbar jong ka KHADC.