Shillong, Kyllalyngkot 04 : Ka Meghalaya ka la rem da hynriew wicket ha ka Haryana ha ka jingïalehkai kriket jong ka U-25 Col CK Nayudu Trophy ha ka jingïalehkai ha ka sngi ba ar ha Mangaldai, Assam.
Ka Meghalaya ha ka inning kaba nyngkong ka la lah ban kamai 224 ron bad ka la lah ruh ban ïalehkai bha ha ka liang ka kawang bol da kaba pynkhyllem lut ki wicket ka Haryana bad ai kamai tang 126 ron. Hynrei ka Haryana ka la ïakhun tyngeh bad ka la pynkhyllem kylla ïa baroh ki wicket jong ka Meghayala bad ai kamai tang 90 ron.
Haba bteng biang ïa pali tied ba 18/0, ka Haryana ka la kamai shuh sa 52 ron shwa ba kan duh noh ïa u wicket tied sdang ba la ïoh pynhap da u rangkawang bol spin ka Meghalaya u Aryan Bora. Kiwei pat kiba la hap wicket kidei ha ki kti jong u Bora (2/50) bad ha u Manish Sharma (2/61) kiba la khur mar 2 wicket ha kaba ka Haryana ka kamai 124/4.
Pynban ka Meghalaya ka khlem lah ban ïakamai ron lang ha kaba ka Haryana ka la lah jop da kaba pynliem da hynriew wicket.
Ka Meghalaya kan pynkhreh ban ïakhun pat pyrshah ïa ka Karnataka naduh ka 8 tarik Kyllalyngkot.
