Shillong, Kyllalyngkot 30 : Ka Meghalaya ka dang hap ban beh ïa ka Himachal Pradesh da 355 ron ha kaba kut jong ka U-25 Col CK Nayudu Trophy ha ka jingïalehkai ha Lucknow.
Ha ka sngi sdang, ka Meghalaya kaba la jop ïa ka jingkynting pisa ka la kam ban kawang bol nyngkong ha kaba ka Himachal Pradesh ka la kamai 419 ron duh noh 6 wicket ha ki 72.2 over bad u Mukul Negi marwei u kamai 152 ron shuwa ba un shah pynhap wicket ha u Aryan Bora.
U Aryan Bora uba dei u rangkawang bol spin kadiang udei u rangkawang bol ba khur bun wickwet da 3 wicket ai kamai 106, u Ram Gurung u ïoh 2 wicket ai kamai 93 ron bad u Manish Sharma u ïoh 1 wicket ai kamai 71 ron.
Ha ka pali tied, ka Meghalaya ka kamai 23 ron duh noh tang 1 wicket, kata u Anish Charak uba kamai 12 ron. Ha kane ka jingïalehkai ka la don ka jingpynthut ha ki bor mariang ha kaba ka Meghalaya ka ïoh kamai 64 ron duh noh 5 wicket ha ki 22 over.
U Rohit Shah u kamai 14 ron bad u Jaskirat Singh Sachdeva 11 ron (not out).
