U-16 Vijay Merchant Trophy: Rem ka Meghalaya ha ka Hyderabad

0

Shillong, Nohprah 23 : Ka Meghalaya watla ka la ïalehkai bha pyrshah ïa ka Hyderabad hynrei ka la pynkut noh hynne ka sngi da ka nam rem ha kaba ka la shah pynliem da ka inning bad 56 ron ha ka lympung ïalehkai U-16 Vijay Merchant Trophy ha ka jingïakhun hynne ka sngi Thohdieng ha Vadodara.
Haba bteng biang ïa ka inning kaba ar ba ka la kamai 139 duh noh 6 wicket, ka Meghalaya ka kamai tang 22 ron shwa ba kan shah pynhap lut baroh ki wicket bad kamai 161 ron.
U Justin Fancon u la kamai sa hynñiew ron shwa ba un shah pynhap wicket noh ban kamai 11 ron, katba u Gaurav Jyoti Thakuria u kamai 15 ron.
Hynrei ha kane ka sngi ka Meghalaya ka la sakhi ïa ka jingtbit ki ar ngut ki rangïalehkai ha ka liang ka tied bad kawang bol kata u Rudra Singh Rathore u kamai 54 ron bad u Da U La Biang Shangpliang u khur 5 wicket ai kamai 91 ron tang ha ka inning jong ka Hyderabad. U Trinayan Dutta ruh u la tied 36 ron.

Leave A Reply

Your email address will not be published.