Haduh 5 tarik u Kyllalyngkot la pynjlan ïa ka jingthep kyrteng ‘Winter Coaching Camp’

0

Jowai, Nohprah 23 : U District Sports Officer ka West Jaiñtia Hills District, Jowai u ma K Passah ula pyntip ha kaba ïadei bad ka jingpynrung kyrteng ‘Winter Coaching Camp’haka Athletics jong ki khynnah shynrang bad kynthei kiba don ha ka rta kaba 13 haduh 16 kan sdang naduh ka taïew ba nyngkong jong u Kyllalyngkot 2023.
Hynrei na ka daw kiba duna kiba wan thep kyrteng katkum ba la dep pynbna kine ki sngi ba la dep, kumta na ka liang ka ophis kala pynjlan noh ïa ka tarik ban thep kyrteng haduh ka 5th January, 2023.
Baroh ki nongïashim bynta Athletes napoh ka West Jaiñtia Hills District kiba don jingmut kin sngewbha ban pynrung kyrteng da kaba leit mih sha ka ophis u District Sports Officer, West Jaiñtia Hills District, Jowai ha ka por ba long trei haduh katei ka 5 tarik u Kyllalyngkot 2023.
La ïathuh ba ki nongwan ïashim bynta kin long tang kito kiba la kha naduh ka 1st July, 2007 shaneng. Ha ka juh ka por baroh ki Athletes ki dei ban wanrah lang ïa ki Xerox Birth Certificates ha ka por ban leh Registration.

Leave A Reply

Your email address will not be published.