Nongstoiñ, Jymmang, 9: Hadien ba la mih ka result ki khynnah skul pule jong ka klas Xll Commerce, ha kane ka kynti kaba mynta ha ka thaiñ Nongstoiñ don tang iwei i khynnah i ba la wan shakhmat bad i ba la ïoh rung ha ka thup jong ka kyrdan kaba 10.
Katei ka khynnah samla ka dei kaba la tip kyrteng kum ka Daïairi Nongrem khun jong u bah Playmingstone Byrsat bad ka kong Daïahunlang Nongrem, kiba shong ba sah ha ka shnong Mawkhlam Nongpyndeng bad kaba pule ruh ha ka skul ba pawnam jong ka sor Nongstoiñ, ka Anderson Higher Secondary School Nongstoiñ.
Kane ka khynnah samla ka la ïoh Distinction ha baroh ki subject bad ka highest mark ha ka subjek English da kaba ïoh haduh 82 bad kumjuh ruh ha ka Alternative English pat haduh 92.
“Ngam shym poi pyrkhat ba ngan ïoh kheit ïa u soh u ba ngam shym la khmih lynti. Hynrei, nga la trei shitom bad aiti ha ryngkat ki kmie ki kpa kiba ju ai mynsiem bad kiba haïing ruh kiba ju ïarap ïa nga man ka por”, ong ka samla Daïahunlang Nongrem.
Lah ban pynpaw hangne ba ka Anderson HSS ka la phah 18 ngut ha ka eksam Commerce. Na ki 18 ngut, 15 ki la ïoh first division bad 3 ngut second division. Ha ka science, la phah 28 ngut hynrei kiba pas ki long tang 25 ngut.
