Thung DC bad SP da ki trai jylla kiba don jingtip shaphang ka Khyrnit Bahynriew: Bernard Marak

Shillong, Naitung, 30: U MDC jong ka BJP na Tura u Bernard N Marak ha ka sngi U Blei u la dawa ba ka jingthung ïa ki deputy Commissioners (DC) bad ïa ki Superintendents of Police (SP) dei ban thung da ki trai jylla kiba don jingtip shaphang ka Khyrnit Bahynriew.
Ha u kyrwoh, u Marak u la ong, bun na ki Ophisar ba la thung da ka Sorkar Jylla ki dei ki bym don jingtip eiei wat tang khyndiat ruh shaphang ki jingïada ïa ki paid riewlum.
“Kim don jingtip eiei shaphang ka lariti, ki riti ki dustur jong ki riewlum namarkata bun na ki ophisar ki sngewthuh bakla shaphang ki riewlum,” u la ong bad kynnoh ruh ba bun na ki ophisar kiba wan nabar jong ka thaiñ Shatei Lammihngi ki ñiew shiliang ïa ki riewlum bad ki peit poh ruh wat ïa ka rukom im.
U la pynpaw ba ki breiw kiba nabar ki dei ban don ki jingtip halor ki kyndon jong riti synshar bad ïa ki bhah bad ki jingïada ba ki riewlum ki ïoh kypang. “Ki dei ban tip ba kim dei satia ban tam palat ïa u pud treikam kam pher watla ki shah pynbor na ki nongïalam saiñpyrthei jong ki,” u la ong.
U Marak u la ong ruh watla ïa ka synshar ka khadar la pynïaid da ka Jylla hynrei ka iktiar bad bor laitluid ka shong ha ki paidbah bad ha ki Autonomous District Council (ADC).
“Ka aiñ jong ka ri ka dei ka aiñ jong ki paid riewlm, ym jong ka jylla. Ki kam jong ka Jylla ki shah teh hynrei hangne ki nongïalam saiñpyrthei ki phrung wat ha ki ADC bad pynïaid ïa ka bor synshar ka ban pynmyntoi ïa ka jylla baroh kawei,” la ong u Marak.
“Watla ka (Sorkar) pyntyllun ïa ka synshar ka khadar ha ka jylla Meghalaya, hynrei ka jylla Meghalaya baroh kawei ka hap hapoh ka kyndon rilum bad dei na kata ka daw ngi khot, ka rilum Khasi, ka rilum Garo bad ka rilum Jaiñtia bad baroh ki Administrative District ba la pynkha hapoh ka jylla ki don ïa ki rilum hapoh ka jong ka kum ka jingpynkynmaw ba ka Jylla ka dei kaba pyntyllun ïa ka synshar ka khadar hapoh ki kyndon jong ka Hill Provision ba la bsut hapoh ka riti synshar jong ka ri,” ong shuh shuh u Marak.
U la kam ba ki jaka rilum bad ki riewlum, ki MDC ki dei kiba kham halor ban ïa ki MLA hynrei da ki phew snem la pynkylla khongpong ïa kane.
Ka jingïada ïa kiwei pat ki jaidbynriew (bym dei riewlum) ha ka riti synshar ka mut ïa kito kiba dei na ka General Category kaba kynthup ruh ïa ka jylla.
Une u nongïalam ka BJP u la kynnoh ruh ba ka jingïamynjur ïa ka Agreed Text for Settlement la pynwit da ka Jylla kaba thmu ban aibor shuh shuh ïa ki ADC.
U la ong ba ki Autonomous District Councils (ADC) ki don ïa ka kamram kaba kongsan ban ïada ïa ka khyndew ka shyiap, ban pynbha ïa ki jaka bad ban ïada ïa ka bha ka miat jong ki paid riewlum.
Hynrei, ha kine ki khyndiat snem ka Sorkar ka la pynïaid ïa ki ADC bad knieh noh ïa kiba bun ki tnat treikam kynthup ruh ïa ka Primary Education, ka Public Health, ka Civil Works bad ki Town Committees.
Hadien ba la shimti hi, ïa ka lynnong kot jong ki riewlum la pynkylla salonsar bad ïa ki kot halor ka tynrai, ka Sixth Schedule, ki ADC bad kiwei kiwei la pynkylla salonsar bad ïa ki riewlum la pynbor ba kin kdup ïa ka rukom im (ki bym dei riewlum) ïa kaba ngi la ïoh jingïada da ka Khyrnit Bahynriew jong ka Riti Synshar ka ri.
Kine ki jingleh jong ka Jylla, ki pynbor ïa ki riewlum ban siew sut sha ki Municipal, pynbor ban pdiang ïa ki Scheduled Caste Certificates kum ki Tribal Certificates, pynbor ban pynrung kyrteng haba don ba kha bad ïap ha ki Municipal bad ha ki tnat treikam, pynbor ban ïoh ïa ki NoC ban ïoh bording, ban shna ing bad kiwei kiwei na ka Urban, MUDA, Municipal.
“Hato ngim ju sngewphylla ba balei ngi donkam ban ïoh jingbit na kine ki tnat treikam haba shna iing ha la ka jong ka jaka? Naduh mynno ki la kylla long ki bor halor jong ngi? Ngi donkam ban pynsngewthuh biang ïalade bad ban phaidien sha ka thymmei jong ki kpa tymmen,” u la ong.
“Khatduh, ki don bun ki jingpynkheiñ ïa ka hok jong ki riewlum khamtam ha rilum Garo, namarkata, donkam ban pynpaw eiei ïa kaba yn lah tang lada thung da ka Judicial High Level Inquiry khnang ban sei madan ïa ka jingshisha halor ka jingjia ba dang shen ha Tura,” u la ong bad bynrap, ki longkmie ha ka imlang ka sahlang ai jait kmie kin shu kylla sohpdung bad dei na kata ka daw donkam ban wanrah biang ïa ka jingshahniah ha ka bishar ka khadar.