Kynshi, Rymphang 24: Ka Shnong Kynshi Mawria mynta ka sngi, ka la shongshit puk da ki jingïalang ïalap elekshon jong baroh san tylli ki Party kiba ïakhun ïa ka elekshon MLA na Mawthadraishan Constituency.
Ki kyrtong kiba ïakhun ki long u Bah Brolding Nongsiej na ka UDP, uba long u Sitting MLAS, nangta u Bah Shakliar Warjri jong ka HSPDP, Kong Biolinda Lyngdoh Nonglait na ka NPP, Bah Fourteenson Lyngkhoi na ka Congress bad Kong Demaphi Lyngdoh Marshillong jong ka UDP.
Ha kane ka jingïalap elekshon ba la pynïaid da ka Shnong Kynshi Mawria, da ki hajar ngut ki nongkyrshan na kine ki Party bad kiba khambun kidei kiba la wanrah da ka Seng UDP, HSPDP bad NPP, ki la pyndap smam ïa ka Madan Umsoit ban sngap ïa ka jingpynshai ki kyrtong bad ki Seng.
Ha kane ka jingïalap elekshon la pynshongshit shuh shuh da ka jingwan u Bah Prestone Tynsong, Deputy Chief Minister bad u Bah Samlin Malngiang, Ex MLA jong ka Sohïong kiba la wan ïalap ban pan jingkyrshan ïa i Kong Biolinda Lyngdoh Nonglait jong ka NPP.
