Jowai, Rymphang 06: Ka jingwan thep kyrteng jong ki kyrtong bapher bapher napoh ka West Jaiñtia Hills kala nang shongshit shuh shuh, haba mynta ka sngi nyngkong ki kyrtong MLA na ka bynta ki 4 tylli ki Constituency kiba kynthup ïa ka Nartiang, Jowai, Raliang bad Mowkaiaw kiba wan thep kyrteng ki don haduh 12 ngut, katba ha Amlarem Sub-Division ki don 4 ngut.
Kine ki kyrtong na ka 1-Nartiang Constituency ki long u ma Dawan Lyngdoh na ka seng UDP, ma Emlang Laloo na ka seng Congress, ma Rimiki Sari na ka BJP bad ma Generous Pasleiñ kum u kyrtong shimet, na ka 2- Jowai Constituency ki kynthup ïa ma Awhai Andrew Shullai na ka AITC, ma Moonlight Pariat na ka UDP bad u ma Daniel Dan na ka Congress, na ka 3-Raliang ki long ma Lakhon Biam na ka BJP, ma Robinus Syngkon na ka AITC, ma J. Treilang Suchiang na ka UDP, na ka 4-Mowkaiaw ki long ma Nehemayah Tyngkan na ka INC bad ma Habahun Dkhar na ka NPP.
Katba na ka 7-Amlarem Constituency kiba wan thep kyrteng mynta ka sngi ki long ma Lahkmen Rymbui na ka UDP, ma Stephanson Mukhim na ka NPP, ma Arbiang Kam Kharsohmat na ka Congress bad u ma Aiban Gashnga na ka AITC.
Na ka liang baroh kine ki kyrtong haba kren sha ki lad pathai khubor hadien ba la dep ban thep kyrteng kila pynsngew ïala ki jong ki nongrim ba skhem bad ki jingangnud jong ki ban ai ka jingshakri ki paidbah.
