Khliehriat rymphang 6: Ki don haduh ar phew lai ngut, kynthup, kynthup ki nongkitkam bad ki dkhot jong ka National People’s Party na ka 5-Sutnga Saipung Constituency kiba la mih noh mynta ka sngi na ka party NPP bad ong ba kin sa don shuh shuh kiwei ruh ki ban sa mih noh na ka party, ki la pynpaw ba ka jingmih noh jong ki ka dei na ka daw ba kim don ka jingiasgewthuh jingmut bad kad kyrtong, ka kong santa Mary Shylla. Na ka liang u President jong ka NPP East Jañtia Hills District, u Dr J.W.Dkhar, uba la bat ruh kum u President naduh bas dang ka NPP ha East Jaintia Hills District, kata naduh u snem 2018, u la pynpaw ka jingsngew khia bad ong ba “Naduh u snem 2018 ter ter ngi la pyrshang bad ngi la trei shitom bad ngi ïohi ruh ba ka party ka la kiew bad ka la roi bha, hynrei, sngew diaw pat ban ong ba kum ki nongmitkam jong ka party ngi hap iehnoh ïa ka kam na ka party, hadien ba ka party ka la ai tiket ïa ka kyrtong, ngim don ka jingpyrshah ïa kata ka jing ai tiket ïa ka, hynrei tang kawei ka long ba ngim don ka jingsngewthuh jingmut bad kane ka kyrtong”
U la ong ruh ba kine kiba mih jong ki na ka party NPP mynta ka sngi, kim don kano kano ka daw bad ki nongïalam bad ki dkhot jong ka NPP Khliehriat Constituency, hynrei tang bad ka Sutnga Saipung Constituency.
Kumjuh ruh, u President jong ka NPYF ( Youth President) East Jaiñtia Hills District, u bah Grimlang Dkhar, u la ong “Nga pynpaw ka jing sngewsih ba baroh shikato ngi la don bad ka party, nga sngewthuh jingmut bad ki nongïalam na ka Central Body, ngi la lah ruh ban thaw shibun tylli ki circle, kawei ka Narpuh Circle, ka Saipung Circle, Sutnga Circle, ngi la shim khia ruh ban pynkhlaiñ bad pyniar ïa ka kam, hynrei kaba sngewsih pat ka long ba hadien ba na ka liang ka party ki la pynskhem ïa kane ka kyrtong. ka Santa Mary Shylla, hynrei ha ka jingïalam jong ka kum ka kyrtong pat kam don kata ka jingïadei jingmut bad ngi ki nongtrei jong ka party, kam kwah ruh ïa ngi ba ngin don bad ka, ha ka jinsghsiha ha ki snem kiba la leit ngi la ïatrei shitrhem na ka bynta ka party hynrei ma ka pat ka jngai na ngi, nga la ïakynduh bad ka ban iakren sngewthuh jingmut hynrei na kaei ka daw kam kwah ban iatrei bad ngi, kumta da kawei ka jingmut ngi la rai ban mih noh na ka party bad kin sa dang don shuh shuh ha kine ki sngi ki ban wan, kiba sa mih noh na ka NPP.
Ki nongkitkam bad ki dkhot kiba la mih na ka NPP Sutnga Saipung Constituency, ki kynthup u President NPP East Jaiñtia Hills District, u Dr J.W.Dkhar, General Secretary, u bah Monlang Ladong, Assistant Secretary, u bah Kormon Bamon, u President NPYF (Youth President East Jaiñtia Hills District), u bah Grimlang Dkhar, Vice President, NPYF, u bah Kmai Tangliang,General Secretary, NPYF, u bah Aibor Sukhlain lem bad ki khat phra ngut kiwei pat kiba dei ki dkhot jong ka NPP Sutnga Saipung Constituency.
