Khliehriat risaw 6: Namar ka jingdon ka Bye Election 2026 ha ka 9-Nagoan Parliamentary Constituency ha ka jylla Assam, u Deputy Commissioner, East Jaiñtia Hills District ha ka jingpyllait khubor myn ha ka 1 tarik u bnai risaw 2026 da kaba la pynkup bor ïa u da ka kyndon section 52(1) jong ka M.E Act, u la pynbna ïa ki sngi tyrkhong kyiad ha ki jaka kiba don khappud bad ka jylla Assam bad kane ka hukum kan treikam naduh ka por 5 baje janmiet jong ka 4 tarik u risaw haduh 5 baje janmiet jong ka 6 tarik risaw bad kan treikam ruh ha ka sngi ban ñiew vote kata ha ka 9 tarik u risaw haduh ban da dep ñiew ïa ki vote.
La hukum ba baroh ki dukan die kyiad ba kynthup ki Bonded Warehouse, Wine Shops, ki Bars, Canteen, Beer and Wine Bars, kumjuh ruh ki Home Made Wine Licenses, kiba don marjan bad ka jylla Assam ki dei ban khang ha kitei ki sngi.
