Thep kyrteng ka kong Santa Mary Shylla ban ïakhun ïa ka elekshon MLA na ka 5-Sutnga Saipung na tiket NPP

Khliehriat, Rymphang 04 : Ka kong Santa Mary Shylla, kaba dei ka kyrtong (candidate ) jong ka National People’s Party (NPP), ka ban ïakhun ïa ka Meghalaya Legislative Assembly Election 2023 na ka, 5-Sutnga Saipung Constituency, mynta ka sngi ka la wan ban thep kyrteng ha u Returning Officer ha ophis u Deputy Commissioner ha Khliehriat.
Katto katne shaphang ka kong Santa Mary Shylla, ka dei kaba shong ba sah ha ka shnong Byndihati, East Jaiñtia Hills District, kane ka synjam kaba nyngkong jong ka ban ïa don bynta ha ka kam saiñ hima sima bad shakri ïa ki paidbah.
Haba kren sah ki pathai khubor, katei u kyrtong na ka 5- Sutnga Saipung Constituency, ka la pynpaw ba watla ka dei kaba dang thymmai ha kane ka kam, hynrei ka don ka jingsngew skhem bad ngeit ba kan poi sha ka thong ka jingjop
“ Watla nga dang thymmai hynrei bun ki kam nga la leh na ka bynta ki paidbah, kum ka jingwanrah ïa ka C&RD Block ha Lumshnong, ka jingpyn ïoh ïa ka kali kit nongpang (ambulance) ha shnong Umkiang bad ynda nga jop ngan wanrah sa ki surok ba bit ba biang hapoh Sutnga Saipung Constiyuency” ka la buh ruh ka jingkyrpad ïa ki paidbah ba kin sngewbha ban jied ïa ka ban dup wanrah ïa ka jingkylla bad phuh ban phieng ka constituency, khamtam eh ban pynioh ïa ka surok ha ki shnong ki thaw ka ban kham pynsuk ha ka leit ka wan khamtam na ka bynta ki longkmie kiba ar met.
Ka la ong ruh ba ka jingwan rung jong ka sha kane ka kam saiñ hima, ka dei namar ba ka ïohi ïa ka jingsah dien ka thaiñ ha kaba ki MLA kiba la dep jop kim shym la lah ban wanrah ïa ki jingdonkam ki paidbah, nga jied ïa kane ka party ban dup lah ban ïarap ïa ki paidbah ka constituency.