Thep kyrteng 2 ngut na NPP, mar 1 na ka TMC, PDF, UDP bad Congress ha West Jaiñtia

0

Jowai, Rymphang 04: Ki hynriew ngut ki kyrtong ban ïakhun ïa kane ka Election MLA 2023 na West Jaiñtia Hills kiba kynthup na ka na ka 1-Nartiang la wan thep kyrteng tang u ma Sniawbhalang Dhar, na ka 3-Raliang u ma Coming-one Ymbon na ka NPP u ma Chemhok Garod kyrtong na ka PDF bad u ma Richard Sing Lyngdoh, katba na ka Congress 4-Mowkaiaw ki long u ma Lasting Suchiang kyrtong ka TMC bad u ma Nujorki Sungoh na ka UDP.
Na ka liang u ma Lasting Suchiang haba kren sha ki lad pathai khubor ula ong ba u don ka jingthrang ban ai ka jingshakri ïa ki paidbah ka Constituency bad ka jylla hi baroh kawei khamtam ïa kiba duk ba rangli bad kiba pang ba shitom.
Ula ong kumba long mynta ka 4-Mowkaiaw Constituency ka long kaba la shah ïehbeiñ shaba palat naduh ki surok, ki jaka pule ha ki skul sorkar kiba ym biang shuh ïa ki ïing skul bad ka jingduna ki nonghikai, kumjuh ha ka liang ka koit ka khiah bad ka khaii pateng ka sah kumjuh namar ka jingbym pynshlur ka sorkar ïa ki nongrep bad ka jingduh kam duh jam jong ki khun samla.
U ma Sniawbhalang Dhar ula ong ha kaba ïadei bad ki kam pynroi khamtam ki surok kiba bun hi kila dep bad kaba sah ka long sa ka koit ka khiah, ka umbam umdih kiba don hakhmat mynta. Na ka liang jong u, u kyrmen ban jop ha kane ka kynti haduh 200 percent.
U ma Comingong Ymbon ula ong hadien ka jingjop la lai sien mynta ki don shibun ki kam kiba ula wanrah bad haduh ka Constituency haduh mynta ki paidbah ki dang shaniah ha u bad ma u ruh u dang donkam ïa ki.
U ma Chemhok Garod ula ong ba ki paid ka Constituency ki donkam ïa ka jingkylla ha kane ka kynti, namar ka don ruh ka jingïajngai hapdeng kiba riewspah bad kiba duk da kaba un ïakhun ban pynduh pyndam ïa kita ki High Level bad ki Low Level. Ula pan ruh ka jingkyrshan ba pura na ki paidbah khnang ba un lah ban ai ka jingshakri kaba bha tam da ka mon sngewbha.

Leave A Reply

Your email address will not be published.