Shillong, Jylliew 26 : Ka Tnad Meghalaya Police kala thaw ïa ka National Record da ka jinglah ban pynlong haduh 1263 tylli ki prokram ïalap pyrshah ïa u droks hapoh ka Jylla kat kum ka Nasha Mukt Bharat Pakhwada.
U Myntri Rangbah ka Jylla ha ka sngi Nyngkong, ula ai khublei ïa ka Tnad Meghalaya Police halor ka jinglah ban pynlong ïa ki jingïalap pyrshah ïa u droks sha ki paidbah ba kin kiar bad lait na ka jingngop ha une u jingdih pynbuaid.
ïa kine ki jingïaid ïalap pyrshah droks la lamkhmat hi da u Director General of Police ka Jylla Dr. LR Bishnoi.
U Dr LR Bishnoi ula pynpaw ïa ka jingsngewnguh ïa u Myntri Rangbah ka Jylla halor kane ka jingai khublei bad ka jingïai bteng ban ai jingmut bad jingpynshlur ha ka jingïakhun ïa une u jingdih.
Ha kajuh ka por, u Myntri kam Pohïing ka Ri Amit Shah ha ka sngi nyngkong, ula ai khublei ia baroh ki shipai ka Anti Narcotics Task Force kiba la ïeng ïakhun pyrshah ïa ki jingpynjot jong u droks.
Ha ka jingrakhe ïa ka International Day Against Drugs Abuse and Illicit Trafficking, u Amit Shah ula ong ba ka India ka dei kaba la shah ktah jur bha ha ka kam khaïi droks.
