T.545 klur ka jingïohkamai ka TMC ha u 2021-22

0

Shillong, K’lyngkot 08: Ka Election Commission of India (ECI) ha ka sngi Thohdieng ka la pynalit paudbah ïa ka kaiphot jingïoh kamai ki party jong u snem mang tyngka 2021-22 bad ha kane ka jingpynalit ka ECI ïa ka kaiphot kaba ki party ki aiti sha ka, la ïohi ba ka Trinamool Congress (TMC) ka la kam ba ka jingmih kaba ka party ka la ïoh ha u snem 2021-22 ka long 545.74 klur.
Ka kaiphot ba la buh ha ka website jong ka ECI, ka TMC ka la kam ba na ka jingïohkamai ba 545.74 klur ha u 2021-22 528.14 klur na ka 545.74 klur ka dei kaba ka party ka ïoh kamai lyngba ka electoral bonds.
La kam ruh ba 14.36 klur pat ka dei kaba ka party ka ïoh kamai na ki synñiang kaba ki nongtrei ka party ki noh mon sngewbha bad ka kamai kaba tam pat ka dei kaba la wan na ka sut na ki bank bad kiwei kiwei ki synñiang.
Ka party ka la kdew ruh ba ha u 2021-22 ka party ka pynlut 268.33klur.

Leave A Reply

Your email address will not be published.