Jowai, Naiwieng 01: Ka jingïalehkai phutbol haka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai hynne ka sngi Balang ha madan Kiang Nangbah Stadium, Dongmihsngi Jowai.
Haba phai sha ka jingïakhun, ka kynhun lehkai jong ka Ladthadlaboh ka la khur namjop kaba suk hadien ba kala pynliem da 4-1 kol ïa ka Mynthong.
Ka namtam ha kane ka jingïakhun ka long sha u Buromlangki Salahe jong ka Ladthadlaboh u ba la ïoh ban thep hat trick na bynta ka kynhun lyngba ki kol haka minit ba 2, 65 & 70. Bad ka shi kol ka la wan na u Kindness Mukhim haka minit ba 68. Ka Mynthong ka la ïoh ban pynphai shi kol lyngba u Samewan Rymbai haka minit ba 85 hynrei ka por ka la lyngkot ïa ka kynhun ban pynphai baroh 4 kol.
La pyntip ba ka jingïakhun ha ka 6 tarik Naiwieng kan long hapdeng ka 7 Wasa United pyrshah ïa ka Nangbah Mulang por 2 baje nohphai sngi.
