Nongstoiñ, K’lyngkot, 21: Katkum ka khubor pulit la ïathuh ba ha ka shiteng sngi jong ka sngi u Blei, ki la lap ïa ka met ïap jong uwei u rangbah ba la tip kyrteng u Nijilson Lyngkhoi, na ka shnong Marshillong SWKH, u ba la suba shah pynïap ha ki riew runar ha Pyndengshahlang West Khasi Hills
Katkum ka jingïathuh ki pulit la ong ba hadien ba ki la ioh ïa ka jingpyntip na kiba haïing, kumta mar mar ki la leit sha katei ka jaka bad la lap ïa ka metiap jong utei u rangbah. La ong ba la lap ruh ba don ki dak ha ki bynta jong ka shadem bad ka met ba shu thiah lyngktar harud jong ka surok jong ka shnong Pyndengshahlang.
Na ka liang ki pulit ki la shimti ïa ka met bad rah sha Nongstoin Civil Hospital na ka bynta ban leh ïa ka Post Mortem. Ka jingtohkit bniah halor kane ka jingjia ka la ïaid shakhmat.
