SHILLONG, Naitung 09: Ka Weilyngkut Area FCC ka la pynskhem ïa ka jaka ha ka Semi final jong ka U-20 Fourth Division Football league 2026 ba la pynïaid da ka Shillong Sports Association (SSA) da kaba pynliem noh ïa ka Nongkseh United FC da 4-2 ha ka jingïashut penalty hadien ba ïakhaid mar 1-1 kol ha ka por ïalehkai.
Haba phai sha kane ka jingïalehkai kaba 80 minit, ka kylla step ka la kut khlem kol hynrei ka Weilyngkut Area ka la rung sha ka kylla miet da kaba lamkhmat na ka kol jong u Banskhem Kharkrang ba la thep ha ka minit kaba 43, nangta ka Nongkseh United ka la jubab da kaba pynïakhaid lyngba u Samphrangshai Rani (55’).
Dei ha ka tie breaker ba ka Weilyngkut Area ka la pynskhem ïa ka jingjop da 4-2 bad pynthikna ruh ban kiew kyrdan sha ka Third Division ha ka samoi ban wan.
Ka jingïakhun Quarter final ha kane ka sngi Thohdieng (10.07.2026) kan long ha ka por 4 baje janmiet hapdeng ka Laitlyngkot SC pyrshah ïa ka Seila Sap FCC ha SSA Ground.
