SSA 4th Division: Lyngba ka tie breaker rung semi final ka Mawkriah West SC

0

Shillong, Risaw 27: Ka Mawkriah West SC ka la kylla long ka kynhun ba lai ban jam sha ka semi final jong ka lympung SSA 4th DIVISION Football League 2023 hadien ba ka la khur namjop ha ka Quarter Final pyrshah ïa ka Mawkasiang SC hynne ka Sngi Thohdieng ha madan 1st Ground SSA Stadium.
Haba phai sha ka jingïakhun jong kine ki ar kynhun kaba la sdang naduh ka por 2 baje nohphaisngi, ha ka jingïalehkai ym shym la don ba lah ban pynïakhlad ïa ka jingïakhaid bad kane ka jingbym ïoh ban thep kol ka la bteng haduh kaba kut jong ka por ba la buh kaba la ïalam ïa ka Mawkriah West SC bad ka Mawkasiang SC ban jam sha ka jingïashut tie breaker.
Ha ka jingïashut ïa ka penalty ka Mawkriah West SC ka la khur namjop da 4 – 3 ban pynkhyllem noh ïa ka Mawkasiang SC bad ban jam ïalade sha ka semi final jong kane ka lympung.
Ka jingïakhun quarter final ba khadduh kan long mynta ka sngi Saitjaiñ (28 tarik Risaw, 2023) ha ka por 2 baje nohphaisngi ha madan 1st Ground SSA Stadium, bad ka jingïaknieh rung semi kan long hapdeng ka Madan S&CC pyrshah ïa ka Lamlynti FC.

Leave A Reply

Your email address will not be published.