SHILLONG, Nailur 01: Ka Sohryngkham SC ka la pynliem noh ïa ka Sohiong SC da 3-1 ha ka lympung Second Division Football league 2026 ba la pynïaid da ka Shillong Sports Association, hynne ka sngi Ba-ar ha Polo.
Kawei pat ka jingïakhun ha kane ka sngi hapdeng ka Lawsohtun SC bad ka Umrynjah SC ka la kut ha ka jingïakhaid.
Ha SSA Ground, ka Sohryngkham ka la pynkhihjar dang kloi lyngba u Pynshongdor Pyngrope ha ka minit kaba 6, shuwa ba u Balatei Kharpran (23’) un pynjlan ar shah ïa ka kol lamkhmat.
Ka Sohiong ka la pynduna ïa ka kol lamkhmat da kaba pynphai shi kol na u Comingstar Jana (34’) hynrei u Bankyrshan Nongrum u la pynskhem ïa ka jingjop na ka bynta ka Sohryngkham da kaba thep ïa ka kol kaba lai ha ka minit kaba 72.
Ha MFA Ground, ka Lawsohtun ka la pynkhihjar ha ki minit pynjlan ba khatduh lyngba u Sahame Lyngdoh (90+5’) ban ïakhaid bad ka Umrynjah, kaba la thep nyngkong lyngba u Wanborlang Nongbri (73’).
