SHILLONG, Naitung 29: Ka Umlyngka SC bad ka Nongmensong SC ki la ïoh ban khur pura ïa ki lai point da kaba jop ïa la ki jong ki jingïakhun jong ka lympung Second Division Football league 2026 ba la pynïaid da ka Shillong Sports Association (SSA), hynne ka sngi Balang.
Ka jingïakhun ha MFA Ground, la sakhi ïa ka Umlyngka kaba la pynliem noh da 3-1 kol ïa ka Smit SC, ha kaba baroh ki kol ki la wan ha ka kylla miet.
Ka Umlyngka ka la lamkhmat nyngkong lyngba ka kol jong u J.Rudy Wilson Nongkhlaw (72’), nangta u Anthony Kharkongor (81’) u la bynrap ïa ka kol kaba ar shuwa ba ka Smit kan pynphai kawei lyngba u Shanmeiaki Warlarpih (90+4’).
Hynrei ka Umlyngka ka la pynskhem ïa ka jingjop da kaba thep ïa ka kol kaba lai na u Nichelson Lyngkhoi shuwa ban kut (90+5’).
Haba phai sha ka jingïakhun ha SSA Ground, ka Nongmensong ka la mad ïa ka jingjop da tang 1-0 pyrshah ïa ka Mawkriah West SC, bad ïa kane ka namtam la thep da u Kevin Diengdoh (34’).
Ka prokram ïalehkai jong ka SSA 2nd Division Football league 2026 ha kane ka sngi Palei (30.07.2026).
Jaka: SSA Ground
Por- 1:00PM
Lawsohtun SC (pyrshah) Sohiong SC
Jaka: MFA Ground
Por- 4 :00PM
Tynring SC (pyrshah) Sohryngkham SC
