Sngewdiaw ki VEC ha Lumshnong C&RD Block bym pyllait ia ka bai bylla sngi MGNREGA da ki snem

Khliehriat, Nailur 02: Ka Lumshnong C & RD Block Association ka la pynpaw ka jingsngew diaw bad sngew khia jur halor ka jing bym pat pyllait ïa ki bill bai bylla sngi halor ki jingpyntrei ïa ki kam kiba na ka skim MGNREGA kaba la sah da ki snem, halor kane ka VEC Lumshnong ka la kynthoh jur ïa u BDO, u Dr T.Shylla
Katkum u kyrwoh la ong ba “Ka Lumshnong C & RD Block kaba dang dei hapoh ka jingkhmih jong ka Wapung C & RD Block ka la shah leh bym kheiñ snep ha u Block Development Officer, u Dr.T.Shylla, une u ba dei u BDO jong ka Wapung C & RD Block ha kaba um shym la shah ïa ki VEC kiba don hapoh ka Lumshnong C & RD Block ban pynrung ïa ki bai tiar ne ban enter ïa ki materials bill jong ki, kiba ki VEC ki la dep pyntrei hashwa ka Financial year jong u snem 2023-2024 bad wat hadien kane ka Financial Year ruh um shah ban enter ïa ki materials bill jong ki VEC kiba na ki shnong bapher bapher kiba hap hapoh ka Lumshnong C & RD Block, hadien ba ki la dep ban pyntrei ïa ki jingtrei kiba na ka skim MGNREGA, ki VEC ki la leit ban submit ïa ki Utilization Certificate (UC) sha ka ophis Wapung C & RD Block, hynrei u tei u BDO um shah ïa ki nongtrei ne ki Staff jong u ban enter ne ban pynrung ïa kine ki Materials bill jong ka Lumshnong C & RD Block, haba ki VEC jong ka Lumshnong C & RD Block ki la kylli na utei u BDO, ba Balei ba um shah ban enter ïa ki Materials bill jong ki? Utei u BDO u la jubab ba dei na ka State ka bym shah ban enter ïa ki materials bill jong ki”
La ong shuh shuh ba hadien ka jingiaishah kaba da ki snem, ki nongkitkam jong ka VEC Lumshnong C & RD Block Association ha ka 27 tarik jong u bnai nailar 2024 ki la leit ïa kynduh ïa ka Joint Mission Director State Rural Employment Society ( SRES) jing ka sorkar Meghalaya, da ka jingthmu bad jingkhmihlynti ba kin ioh ïa ki jingpynshai na kane ka Office namar ba ki kwah ban tip ba na kaei ka daw ba ym shym la shah ban enter ïa ki material bills jong ki VEC kiba don hapoh ka Lumshnong C & RD, hynrei kaba pynlyngngoh ïa ka Association ka long ba ka heh sorlar ka kong I. Diengdoh kaba dei ka Joint Mission Director ka la ong ba kam juh don kum kata ka aiñ, ka la pynshai shuh shuh ba ka Lumshnong C & RD Block ym shym la pynkynriah na ka Wapung C & RD Block, kumta baroh ki kam ka dang dei hi ka kamram jong u tei u BDO ban peit ïa ka jingtrei kam jong ki baroh ar tylli ki Block, ym da kaba leh shilliang kumtei.
Ka kong I. Diengdoh ka la iathuh ruh ba la dep ban pyllait ïa ka bai materials jong baroh ar tylli kine Block kaba duna T15 klur tyngka ha kane ka Financial year 2023-2024, la iathuh ruh ba ïa ka Lumshnong C & RD Block la mang kyrpang namar ba ka dang dei ka Block ba thymmai.
Na ka bynta kane, ki VEC baroh kiba don hapoh ka C&Rd Block Lumshnong ki pynpaw ka jingsngewnguh ïa ka sorkar jylla namar ba ka la pyllait ia katei ka pisa, pynban dei tang ka jingleh marwei utei u BDO bad ym tip na ka daw aiu ba u tei u BDO u khlem shah wat tang ban enter ïa ki materials bill jong ki VEC kiba don hapoh Lumshnong C & RD Block, kane ka jingleh u tei u BDO ka la khanglad ïa ki VEC ban trei ïa ka MGNREGA skim wat la dei tang kane ka scheme kaba ai jingmyntoi sha ki thaiñ nongkyndong, “Ki don ruh ki VEC kiba dang sahteng ka bai tiar kaba naduh u snem 2021-2022, 2022-2023 & 2023-2024.” Ong u kyrwoh.
“Na ka daw ka jingshah leh shilliang ha u tei u BDO, ki VEC ki la rai ban sangeh pyntrei ïa ki kam jong ka MGNREGA ha une u snem 2024, ka Association ka la iathuh shuh shuh ba une u BDO um ju khot jingialang ïa ki VEC kiba don ha ka Lumshnong C & RD Block” pynkut u kyrwoh na ka VEC Lumshnong C & RD Block Association.