Shillong, Nailur 02: Ka khubor ba la ïoh na ki shipai Border Security Force (BSF) la ïathuh ba na ka liang shipai kiba don ha Meghalaya Frontier, ki la ïoh ban kurup haduh 23 tylli ki masi kiba thmu ban khaïi tuh sha Bangladesh lyngba ka khappud West Jaiñtia Hills.
Ki shipai BSF ka 4 Bn kila pynlong ïa ka jingkhynra ha khappud bad ha kane ka jingjia, kila lap ïa kine ki masi na kawei ka jaka khlaw kaba don marjan ka khappud.
Na ka liang jong ki BSF ki la ïathuh ba ïa kine ki masi la aiti noh sha ki Pulit ba kin leh ïa kaba donkam katkum ka aiñ.
