Sngew lyngngoh ki dkhot ka congress ba buh kyrtong da ka President Mahila NPP

Da ki spah ngut mih ki dkhot ka party Congress 6-Khliehriat Assembly Constituency ki la mih namar ba kyntait ka MPCC ïaka dawa jong ka KBCC

0

Khliehriat rymphang 3 : Ki nongïalam bad ki dkhot jong ka party Congress na ka 6-Khliehriat Constituency, kiba la don kumba shi spah ngut, ki la mih noh na ka party Congress bad ong ba ka daw ka jingmih noh ka dei namar ba ka MPCC ka kyntait ban pdiang ïa ka jingdawa jong ki kaba ki la dep ai por 48 kynta ban weng noh ïa ka kyrteng jong ka kyrtong jong ka Congress ka kong Jhanika Siangshai kaba thmu ban ïakhun na ka 6- Khliehriat Constituency kaba dei ka dkhot kaba la dep mih na ka party bad kaba dang bat kum ka President Mahila NPP.
Katkum u kyrwoh la ong “Ka Khliehriat Block Congress Committee, East Jaiñtia Hills District hapoh ka jingïalam jong u ma Remistar Dkhar bad U ma Chrispin N Dkhar hadien ka jingïakynduh markhmat bad u President ka MPCC, u bah Vincent H Pala, kaba dei halor ka jingdawa jong ngi ban weng ïa ka kyrteng jong ka Kyrtong na ka party congress napoh 6-Khliehriat Assembly Constituency bad haka jingïakren, u President Ka MPCC um shym la lah ban pynurlong ïaka jingdawa jong ngi, te kumta ngi ki dkhot jong ka Party naduh Unit, ki Circle, Youth Congress, Mahila bad Block ngi la khot ïa ka jingïalang bad ngi la shim ïaka rai ban mih noh shisyndon noh naka party Congress bad ha kane ka juh hi ka sngi ngi la phah ïaka shithi iehnoh kam sha u President Ka MPCC bad mih noh na ka party. Kum ban shuh pynkymmaw , ba haka 28 tarik u kyllalyngkot 2023, ka MPCC kala pynmih ïa ka Kyrteng jong ka kyrtong napoh 6-Khliehriat Assembly Constituency khlem da iasyllok shwa bad ki nongkitkam jong ka Block”
Ki nongialam bad ki dkhot kiba la mih na ka seng Congress, ki la pynpaw ka jingsngew lyngngoh ba kumno ka MPCC ka buh kyrtong (candidate) da ka briew kaba dang dei jong ka NPP, kaba dang bat ruh kum ka President Mahila NPP. Kane ka kyrtong, ka Jhanika Siangshai, kala dep ruh ban resigned naka party Congress naduh ka 23 tarik u nailar, 2022 bad kala pyniasoh bad ka party NPP haka 11 u nailur 2022.
“Kaba sngewphylla shuh shuh ba kumno ka MPCC ka ai ticket sha ka briew kaba la dep mih (resign) naka party Congress tang hapoh katto katne bnai bad balei ka ai ticket sha ka briew ka bym pat mih (resign) ruh wat na ka party NPP” pynpaw ki dkhot bad nongïalam ka congress lyngba u kyrwoh na u Secretary KBCC, u bah Rimistar Dkhar.

Leave A Reply

Your email address will not be published.