Shongshit ka jingialang paidbah jong ka NPP ha ka shnong Wapungskur

0

Khliehriat Rymphang 25 : Da ki phew hajar ngut ki nongkyrshan jong u bah Nehlang Lyngdoh, u kyrtong ka NPP na ka 6-Khliehriat Constituency, ki la ïa poi sha ka rally ba la pynlong mynta ka sngi ha shnong Wapungskur, na ka liang ki nongïalam jong ka party ki la kyntu ïa ki paidbah nongkyrshan ba kin long kiba jai jai, kiba donakor ha ka ïaid ka ïeng,.
Haba kren ha ka jingïalang, u bah Nehlang Lyngdoh u la ong “Lada pyrkhat, u dewïong sa tang sawphew sanphew snem u la kut, hynrei haba pyrkhat ïa ka kam jngohkai pyrthei (tourism) pat, katba dang neh ka pyrtehi katta ka dang neh, ki briew ruh ki nang ïoh ka bam, ai ka bor ha nga, lada ïoh synshar, tang hapoh san snem nga khmih lynti ba kane ka thaiñ kan sa long kum ka Sohra, mynshwa nga la dep ong ba lada u bah Kyrmen um lah ban pyllait ïa ka bypass, nga ha ka san snem ngan ïeng ban ïaleh election, ban wanrah ïa ka roi ka par ban kyntiew ïa ka ïoh ka kot”
Haba kren shaphang ki surok Bypass utei u kyrtong u angnud ban shna ïa ka surok Bypass na shnong Shkentalang sha Kongong bad ong ruh ba kane ka dei ka surok National Highway Bypass bad kawei pat hap ban shna na shnong Lumshyrmit ter ter sah Tangnub, ter ter sha shnong Umshong bad sha Rymbai haduh Kairang bad hangta ki paidbah kin sa ïohi ïa ka jingkiew ka roi ka kiew, kumjuh ruh ka jingkiew ha ka ïoh ka kot ha ka thaiñ “ U Blei u la ai ha nga ka sap bad nga buh thong ba ngan pyndep ïa kane hapoh ka san snem bad lada ngam lah pyndep ngan ïeng biang khnang ban dup ioh ban pyndep ban wanrah ïa ka roi ka par ban kiew ka ïoh ka kot, hangne ka don ka kabu ksiar, ka spah bah ka don ha kane ka thaiñ, tangba donkam ban treishitom, ha kine ki san shnong, ha ïongkaluh , ha Kairang , ha Rymbai bad ha kiwei kiwei ki shnong kin sa wan poi ki briew ba bar, kiba hehspah na bar ki ban wan ban sah ha ki Guest House bapher bapher”Ym tang katta, u don ruh ka jingangnud ban kyntiew ïa ka kam ri jing ri bad kiwei kiwei ki jait kam bapher bapher ha kaba kan sa wan ka roi ka kiew bad kan kiew ruh ka ïoh ka kot jong ki paidbah, u la kyntu ba donkam ban phah pule bha ïa ki khun ba kin don ka jingtip ban pynïaid ïa ki kam ki jam bad ïa ki hotel, ki Guest House bad kumjuh ruh ïa kiwei kiwei ki jait kam, u kyntu ïa ki paidbah ba kin kyrshan ïa u ha kane ka election ba un dup ïoh ban leh ïa ki kam ba donkam ban ïohi ïa ka roi ka kiew bad ban kiew ruh ka ïoh ka kot ha ka thaiñ.

Leave A Reply

Your email address will not be published.