Khliehriat, Rymphang 25 : Na ka bynta ka jingïaid beit, ïaid ryntih ka election, ka tnat Election Commission of India, lyngba u District Magistrate jong ka East Jaiñtia Hills District, u Abhilash Banarwal, IAS, mynta ka sngi u pynbna paidbah ba la pynjari da ki kyndon aiñ 144 CrPC ha ki jaka ba khappud bad ka ri Bangladesh bad la pyrkhing bha ïa ka ïaid ka ïeng jong ki briew ha khappud jong ka India bad Bangladesh, namar lada ailad ïa ka leit ka wan jong ha khappud’ lehse kane kan wanrah jingma bad wanrah jingeh bad buh jingma ruh ïa ka jingim briew bad ka wanrah jingthut ruh.
Ka Election Commission of India, ka la i donkam ban buh ruh ïa ki kyndon, jingmana ha ki jaka khappud, ha kaba la mana bad pyrkhing bha ïa ki briew ban ïaid, ban ïeng hapoh ka jingjngai kaba 1 kilo mitar jong ka khappud Indo-Bangladesh.
Kane ka jingmana ka treikam mardor naduh ka 24 tarik u rymphang 2023 haduh ka 2 tarik u lber 2023 kaba dei ka sngi ba ñiew vote bad ka hukum kan treikam haduh ban da pynbna da kumwei pat.
