Shongkun ka jingrakhe ka SSMP ïa ka lyngkhuh snem kaba sawphew jong ka

0

Shillong, K’Lyngkot 27: Ka jingrakhe ïa ka Ruby Jubilee ne ka jingdap sawphew snem jong ka Seng Samla Mawlai Phudmuri (SSMP) ka la long kaba iphuh iphieng bad kaba shongshit ïa kaba la wan plie pyrda ïa ka da ka BDO ka Mawlai Block ka Kong Dahunshisha Lyngdoh ha ka 25 tarik mynta u bnai ha ka jingïalang ba la pynlong hajan ka Indoor Sports Hall, Mawlai Phudmuri.
Ha kane ka sngi jong ka jingrakhe ki khynnah bad ki samla shnong ki la ïa shim bynta shitrhem ha ka shad, ka rwai bad kiwei ki prokram .
Ha kane ka jingrakhe, nalor ka BDO kum ka kongsan, la ïa don lang u Bah H.Thabah, OC Mawlai PS kum u symbud kongsan, rangbah shnong Mawlai Phudmuri u bah S. Khongkliam, u President ka Seng Samla Mawlai Pyllun u bah Samuel Biam, u President ka SSMP u bah Hambert Rani, ki nongkitkam shnong, ka seng longkmie bad kiwei kiwei kiba shah khot sngewbha.
Ka SSMP kan rakhe ïa kane ka jingdap sawphew snem jong ka baroh shisnem lyngba ki prokram bad ki jingïalehkai bapher bapher ba kin pynlong hapdeng jong kane ka shisnem.
Ha kane ka sngi la ïoh ïa ka jingkren na ka BDO, kumjuh na ka Secretary Seng Longkmie Mawlai Phudmuri kong Nancy Sohtun bad kiwei kiwei.

Leave A Reply

Your email address will not be published.