Shillong, Risaw 22 : Ka Meghalaya Roll Ball Association bad ka East Khasi Hills Roll Ball ka la pynlong ïa ka 1st senior Inter District Roll Ball Association ha ka 19tarik mynta u bnai St. Anthony Higher Secondary School Shillong ha kaba ka West Jaintia Hills District ka la rah ïa ka nam lahduh mynta u snem bad ka West Khasi Hills District pat ka la wan ha ka kyrdan kaba ar bud sa ka East Khasi Hills District ha ka kyrdan ba lai.
Ha ka 3rd Meghalaya Speed Skating Championship 2024 kaba pynïaid da ka Meghalaya Speed Skating Association ha katei ka sngi ha kaba ki la don ki nongshim bynta naduh kiba hapoh 6 snem ka rta kynthei bad shynrang, nangta kiba hapoh 8 snem, ba hapoh 10 snem, ba hapoh 12 snem bad kumjuh ruh ki heprit kynthei bad shynrang kiba hapoh 14 snem.
Hakane ka sngi ki skul bapher bapher na Shillong kynthup naduh ki khynnah skul jong ka St Anthony’s Higher Secondary School, Loreto convent, BDW International School, St. Edmuds, St. Mary’ Higher Secondary School, St. Mary’s English School bad kiwei kiwei ki la wan ban shim bynta.
La don lang ha kane ka sngi naduh u MDC ka Laitumkhrah ba dei ruh u Executive Member ka KHADC kum u Kongsan kat ba u MDC ka Rambrai Bah Bajop Pyngrope kum u Symbud Kongsan.
Kiwei pat kiba donlang ruh ha kane ka sngi naduh u Shabbir Sayed Dkhar, Additional SP East Khasi Hills District, Bah O.Mawthoh DSO East Khasi Hills District, Bah JF Kharshiing Working President ka Meghalaya State Olympic Association bad kiwei kiwei.
