Shillong, Risaw 22 : Ka Pohkseh Sports Club bad ka Malki Sports Club ki la ïoh ban khur ïa ka jingjop ha ka lympung ïalehkai jong ka SSA First Division 2024 kaba long hynne ka sngi ha madan First Ground, Polo.
Ka Pohkseh ka la jop da 2-0 kol ïa ka Nongrah SC ha ka jingïakhun kaba nyngkong. Ïa ki kol ka Pohkseh la ïoh ban thep da u Mickyson Roy Tangsong ha ka minit kaba 85 katba ïa ka kol kaba ar pat laïoh ban thep da u Reinjoywel Wartde ha ka minit kaba 87.
Ha ka jingïakhun kaba ar pat, ka Malki SC ka la pynliem da 3-1 kol ïa ka Sohryngkham Sports Club. Ïa ki kol jong ka Malki la ïoh ban thep da u Korbar ha ka minit kaba 41, katba u Fashion Syngkli u la ïoh ban thep ar kol kata ha ka minit kaba 73 bad 81. Ïa ka shi kol jong ka Sohryngkham la ïoh ban thep da u Jefferson ha ka minit kaba 37.
