Shillong, Nailar, 25: Ka Kong Ripnar Lyngdoh ka ophisar IAS ba la shongthait ka la shah thung kum ka State Information Commissioner jong ka Meghalaya State Information Commission.
“Ka Kynhun Myntri ka la mynjur ïa ka jingtyrwa ban thungkam biang ïa ka Kong Ripnar Lyngdoh, ka IAS ophisar ba la shongthait, kum ka State Information Commissioner jong ka MSIC,” la ong ka Myntri Sorkar ka Dr. Ampareen Lyngdoh ha ka jingïakren bad ki lad pathai khubor hadien ba la wai ka jingïalang Kynhun Myntri.
Ka la ong, la sngew donkam ban leh ïa kane namarba ka kam kaba dei ban leh ka long kaba kham jwat bad haduh mynta, tang Chief Information Commissioner uba don ha ka shuki, u Bah Nongpluh.
“Mynta da ka jingtbit ba ka la don, ngi ngeit ba ka Kong Ripnar Lyngdoh kan sa nang lah ban ïarap bad ngin sa lah ban kham ai bynta shuh shuh ïa ka RTI Act, 2005 ha ka jylla Meghalaya,” la ong ka Myntri.
