Jowai, Naiwieng, 26: Ki khynnah skul kiba don hapoh ka West Jaiñtia Hills District katkum ka hukum jong ka Ministry of Education, Department of School Education & Literacy, New Delhi mynta ka sngi 26 tarik u Naiwieng kaba dei ruh ka ‘Constitution Day’, kila ïashim bynta lang ban pule Preamble jong ka Riti treikam jong ka Ri India (Samvidhan Diwas)
Ki nonghikai kila pule ïa ka Preamble bad la ïathuh sha ki khynnah skul shaphang ka Indian Constitution, da kaba pynkynmaw kyrpang ïa ka kyrteng bad ka nam jong u Dr. BR Ambedkar uba long uwei na ki nongïalam khmat ha ka Drafting Committee.
Ka thong ban pynlong ïa kane ka sngi ka long shi bynta ban ai jingtip sha ki khynnah skul bad kumjuh sha ki paidbah shaphang ka Riti treikam ka Ri kaba dei ka hok kum ki nongshong shnong, haka juh ka por ka long ruh ka sngi kynmaw burom ïa ki dkhot ka Drafting Committee.
