Shillong, Naiwieng 03 : U Addl. District bad Session Judge, jong ka District Council Court, Garo Hills mynta ka sngi u la ai ïa ka rai ban rai pynrem ïa u Tengsal D. Sangma da kaba set along shi jingim bad ka kuna shilak tyngka namar u la pyniap ïa la ka jong ka kurim.
Ki Pulit jong ka Tura kila ïathuh ba ha ka 29th Lber 2012 ki la ïoh ïa ka jingpyntip ba u Tengsal D. Sangma u la shoh ïa ka Pringchi D. Sangma bad ïa u Persist Ch. Sangma u la dung da ka tari bad khlad noh na ka daw jong ka jingmynsaw shuwa ban poi sha jaka sumar.
Halor kane ka jingjia ki pulit kila kila register ïa ka mukotduma ha Tura Police station bad bad la pynngat ha ki ki kyndon No. 60(03)2012 u/s 302 IPC bad ïa ka jingtohkit la aiti ha u UBSI Bishnu Thapa.
Na ka liang jong ki pulit kila tohkit bniah halor kane ka jingjia bad kila ai ïa ka kaiphod ha ka 5th Jylliew 2012 bad hadien bala pyndep ïa ka jingtohkit ka ïing bishar jong u Addl. District bad Session Judge, District Council Court, West Garo Hills, Tura kala shem ba u Tengsal D. Sangma u la leh ïa katei ka kam runar bad la rai pynrem ïa u.
Ka ïing bishar kala rai pynrem da kaba hukum ban set along baroh shirta bad ka kuna kaba shilak tyngka namar ba la pynkheiñ ïa ka aiñ hapoh ka kyndon 302 IPC. Katei ka jingiia kala jia ha kawei na ki Restaurant ha Iew Tura.
