Shillong, K’lyngkot 12: Ka Meghalaya Techno University, Polytechnic Campus, Mawlai ka la shah weng noh ha ka University Grants Commission (UGC).
Ïa kane la pynbna da ka UGC ha ka 27 tarik jong u Nohprah ka snem balade. Ka daw ba ka Commission ka la ai halor ka jingweng noh ïa kane ka Universirty na ka thup jong ka, kadei namar ba kane ka skul bah kam treikam ne kam don satia.
Shuh shuh ka UGC ka ong ba ïa kane ka Univeristy la seng ka sorkar Meghalaya kum ka State Private Univeristy ha ka snem 2013 ha Campus jong ka Shillong Polytechnic, hynrei naduh katei ka snem ka ju sdang ne pynlong class satia.
Hynrei ha ka 22 tarik u Nailar ka snem 2022, ka tnad pule puthi jong ka sorkar Meghalaya ka la phah da ka jingthoh sha ka UGC ban kyntu ïa ka ban weng noh na ka thup jong ki University namar ba kam shym la treikam satia.
Ha kajuh ka por ka UGC ka ong ruh ba kane ka University ha ka website jong ka, ka la pynbna ba kam pat ju ai marksheet ne ai degree ïano ïano ruh bad kam shym la aibor ïano ïano ruh ban treikam ha ka kyrteng jong ka.
