Jowai, Nailur 13: Haduh 59 ngut ki samla kiba kynthup ïa 33 ngut ki shynrang bad 26 ngut ki samla kynthei ha ka 12 tarik mynta u bnai ki la pyndep ïa ka jingai jinghikai ba 45 sngi lynter ba la pynlong ha Sub Center Tornado Security Agency kaba don ha Umdeinling, West Jaiñtia Hills District.
La pynbam smai ïa ki da u Rev R. Nongbri, ha ka jingïadonlang u ma Trans-formly Bareh kum u kongsan, u ma S. Sympli Symbud Kongsan, ki tnat pulit ka thaiñ, ki kmie ki kpa jong ki samla ba pas ïa ka jinghikai. Ïaka jingïalang la pynïaid da u ma Pyndapbiang Muksor uba long ruh u Camp Commander & Training Incharge jong kane ka Center.
U ma Pyndapbiang ula ïathuh ba kane ka jingia jinghikai ïa kine ki samla kaba mynta ka dei ka sien ne ka wat kaba saw jong Tornado Security, ula ong ba la wanrah ïa ka kum kane ka jingai jinghikai ka long ba u pyrkhat jngai na ka bynta ka jingïohkam ïohjam ki samla namar kum kane ka jingai jinghikai ka long kum ka wait kaba ki samla kila don lane ka lad ïa kiba kin suk ban wan ïa ki kam Security namar hadien ba ki la ïoh ïa ki syrnot.
U ma Pyndap ula pynpaw ruh ka jingsngew nguh ïa u MLA ka thain u ma Nujorki Sungoh uba la noh synñiang sha kane ka Center ha kine ki sngi ba la dep.
